Updates

လူသားတိုင်းတော့ ခွေးချစ်တတ်ပေမယ့်၊ လူတိုင်းကတော့ ခွေးမွေးဖို့ မဖြစ်နိုင်ကြပါဘူး။ဘာလို့လဲဆိုရင် ခွေးမွေးရတာက ကလေးတစ်ယောက်မွေးသလိုပါပဲ လွယ်ကူရိုးရှင်းတဲ့ အလုပ်တစ်ခုမဟုတ်တာကို ခွေးလေးတွေ မွေးဖူးသူတိုင်းသိကြမှာပါ။ခွေးမွေးတဲ့သူတိုင်းက သူတို့မွေးထားတဲ့ခွေးလေးတွေကို (သားရေ၊သားသားရေ၊ သမီးရေ)အစဖြင့် Nick Nameလေးတွေပေးပြီး ခေါ်ဝေါ်ကြသလို ခွေးမမွေးတဲ့သူတွေထက်လဲ အလုပ်ပိုရှုပ်ကြပါတယ်။ဥပမာ -ခွေးနှင့်လဲ လမ်းလျောက်ထွက်ခြင်း၊ခွေးအမွှေးများ ခနခရှင်းရခြင်း၊အိပ်ယာခင်း ခနခန လဲရခြင်းတွေအပြင် တစ်ခါတလေ မထင်ရင မထင်သလို ကုတ်ခံရတာလေးတွေပါ ရှိပါသေးတယ်။ဒါ့အပြင် သင်တစ်ခုခုစားတိုင်း သူတို့ကို ကျွေးမှ ကျေနပ်တဲ့ ခွေးအမျိုးအစားလေးတွေလဲရှိလို့ လူကြီးမင်းတို့အနေနဲ့ အစားပုပ်တယ်ဆိုရင် ခွေးလေးတွေမွေးဖို့ မသင့်တော်သေးပါဘူး။တော်တော်များများကတော့ ခွေးတွေကို အိမ်စောင့်ဖို့၊ခြံတွင်း လုံခြုံစေဖို့၊ မူးယစ်ဆေးဝါးများရှာဖွေခြင်း၊စစ်တိုက်ရာတွင်စစ်သားတွေအတွက်အထောက်အကူပြုပေးဖို့ဆိုပြီး အမျိုးမျိုးမွေးလေ့ရှိကြပါတယ်။ဒီလိုနေရာတွေမှာ သုံးတဲ့ ခွေးတွေကြတော့ ပုံမှန် အိမ်မွေးခွေးသေးသေးလေးထက် ကျန်းမာသန်စွမ်းမှုရော၊အနံ့ခံအားရော ပိုမိုကောင်းမွန်တဲ့အတွက် သွားရန်စမိတာနဲ့ ပေါင်တစ်ခြမ်းလုံးစုတ်ပြတ်သွားအောင် ကိုက်နိုင်တဲ့ အစွမ်းတွေလဲရှိကြပါတယ်။နောက်ပြီး ခွေးနဲ့ ပက်သက်ရင် အရူးအမူးချစ်ကြတဲ့ သင်မသိသေးတဲ့နိုင်ငံတာကာက Celebrity 5 ဦး ကိုလဲ အောက်မှာဖော်ပြပေးထားပါတယ်။

Kyile Jenner

အနုပညာလဲလုပ်ရင်း စီးပွားရေးလဲ သောင်းကျန်းပြီး Kylie ကိုယ်ပိုင် Brandနဲ့ အမျိုးသမီး Cosmeticsတွေရဲ့ ပိုင်ရှင်တစ်ဦးဖြစ်တဲ့ Kyile Jennerကတော့ ခွေးလေးတွေကို တော်တော် ရူးရူးမူမူး ချစ်တတ်သူ တစ်ဦးပါပဲ။တစ်ခါတစ်လေ သူ့ရည်းစားကတောင် ခွေး၄ကောင်လုံးရဲ့ နာမည်တွေကို မမှတ်မိပေမယ့် Kyileကတော့ Instagramမှာပါသူ့ခွေးလေးတွေအတွက် ကိုယ်ပိုင် Accountတွေပါ ဖွင့်ထားပေးတယ်လို့ သိရှိရပါတယ်။

The Obama Family

ယခုလက်ရှိ သမ္မတ Trumpမတိုင်ခင် လူသိများခဲ့တဲ့ သမ္မတဟောင်းတစ်ဦးဖြစ်တဲ့ Barack Obamaကလဲ ခွေးချစ်သူတစ်ဦးဖြစ်ပြီး Obammaအပြင် သူ့ရဲ့ မိသားစုတစ်ခုလုံးကလဲ ခွေးလေးတွေကိုချစ်ကြပါတယ်။သူ သမ္မတဖြစ်စဥ်က ပထမဆုံးမွေးခဲ့တဲ့ Bo နဲ့ Sunnyဆိုရင် အိမ်ဖြူတော်မှာ ပုံတွေအမြဲရိုက်နှိပ်ထားခဲ့တဲ့ အချိန်တွေတောင် ရှိခဲ့ဖူးပါတယ်။

Chris Evans

Captain America လို့ လူသိများတဲ့ Chris Evansဟာ ကမ္ဘာကြီး ကို ကယ်တင်တဲ့ Marvel Movieတွေ ရိုက်ပြီးရင် Chris Evansဆိုတဲ့ ဘဝထဲကို ပြန်သွားပြီး သူမွေးထားတဲ့ ခွေးလေး Dogerနဲ့ အချ်န်ကုန်ဆုံးလေ့ရှိပါတယ်။Dogerကလဲ Captionအပေါ် အရမ်းချစ်ပြီး သစ္စာ ရှိတဲ့ ခွေးလေးတစ်ကောင်ပါပဲ။

Arina Grade

မိန်းခလေးတွေအများစုက ခွေးလေးတွေကို ပိုချစ်ကြသလို Florida မှာ နာမည်ကြီးတဲ့ အဆိုတော်/သရုပ်ဆောင် Arina Gradeက ခွေးလေးတွေကို ကယ်ဆယ်တဲ့ လူမှူ အဖွဲ့အစည်းတွေမှာ အရမ်းကို တက်ကြွပါဝင်တဲ့သူတစ်ယောက်ပါ။အဲ့လိုပဲ2017လောက်တည်းကနေစပြီး သူကယ်တင်ထားတဲ့ ခွေးလေးတွေထဲက အခုဆိုရင် ၉ကောင်လောက်အထိ မွေးထားတယ်လို့ သိရှိရပါတယ်။

Tom Holland

အသက်၂၁ပဲဲရှိသေးတဲ့ Spider Manလို့ လူတိုင်းသိတဲ့ Tom Hollandကလဲ Tessဆိုတဲ့ ခွေးမလေးကို မွေးထားသူပါ။တစ်ခါတစ်လေဆိုရင် Tessကို Spider Man ဝတ်စုံတွေဝတ်ပေးပြီး လမ်းလျောက်ထွက်လေ့ရှိပါတယ်။

နဂါးမောက်သီးနှင့် အလှအပကျန်းမာရေး

နဂါးမောက်သီးလို့ပြောရင် နှမ်းစေ့လေးတွေကပ်ထားသလို အသွင်အပြင်ကို လူတိုင်းမြင်ဖူးပြီး အရသာကလည်း မချိုလွန်း မစိမ့်လွန်းတဲ့ အရသာကိုပေးစွမ်းလို့ ကျန်းမာရေးနှင့် အထူးသင့်လျှော်တဲ့ အသီးတစ်မျိုးပါ။ အရောင်အားဖြင့် အဖြူရောင်၊ အနီရောင် ၊ အဝါရောင်ဆိုပြီး သုံးမျိုးရှိပါတယ်။

နဂါးမောက်သီးမှာ ဗီတာမင်စီ နှင့် ဘီ အုပ်စုတွေအပြင် သံဓာတ်၊ အိုင်ရွန်း၊ဖော့စဖိတ် နှင့် ကယ်လ်ဆီယမ်ဓာတ်များကြွယ်ဝသလို ပရိုတိန်းနှင့် အမျှင်ဓာတ်များလည်းပါဝင်တာကြောင့် ဆီးချိုသမားများအတွက် အကောင်းဆုံးအသီးဖြစ်သလို ကိုယ်ဝန်ဆောင်မိခင်လောင်းများအတွက်လည်း စားသုံးဖို့ အသင့်တော်ဆုံးဖြစ်ပါတယ်။ဒါ့အပြင် ကင်ဆာဖြစ်စေတဲ့ အန္တရာယ်ကနေလည်း ကာကွယ်ပေးနိုင်စွမ်းရှိသလို အသားအရေနှင့် အလှအပကျန်းမာရေးအတွက်လည်း အထောက်အကူပြုနေတာမို့ နဂါးမောက်သီးနဲ့လည်း သဘာဝအတိုင်း လှပကျန်းမာအောင် ဂရုစိုက် ထိန်းသိမ်းနိုင်ပါပြီ။

• အရွယ်မတိုင်မီ အိုမင်းရင့်ရော်မှုကို ကာကွယ်ပေးတယ်
  အရွယ်မတိုင်ခင် အိုမင်းရင့်ရော်မှုတွေဖြစ်နေပြီဆိုရင် နဂါးမောက်သီးတစ်ခြမ်းကို အတွင်းသားတွေကိုယူပြီး ဒိန်ချဉ်နည်းနည်းနဲ့ ရောမွှေပြီး မျက်နှုနှင့်လည်ပင်းကိုလိမ်းပြီး မိနစ် 20 လောက်ထားပြီး ရေနွေးနွေးလေးနဲ့ မျက်နှာသစ်ပေးရုံဖြင့် နဂါးမောက်သီးရဲ့ အာဟာရဓာတ်တွေက အရွယ်တင်နုပျိုစေဖို့ ကူညီပေးမှာပါ။
• ကိုယ်အလေးချိန်ကို လျော့ကျစေတယ်
  ကိုယ်အလေးချိန်လျော့ချဖို့အတွက်ဆိုရင် နဂါးမောက်သီးကို အစာမစားခင်စားပေးပါ။နဂါးမောက်သီးမှာပါ၀င်တဲ့ ကယ်လ်ဆီယမ်နှင့် ဖော့စဖိတ်ဓာတ်တွေဟာ ခန္ဓာကိုယ်အတွင်းဖြစ်စဉ်တွေကိုကောင်းမွန်စေပြီး အစားအစာတွေမှာပါ၀င်တဲ့အဆီဓာတ်နဲ့ ကိုလက်စထရောတွေကို လျော့ချပေးနိုင်တာကြောင့် ကိုယ်အလေးချိန်လျော့ချချင်သူနှင့် ထိန်းသိမ်းချင်သူများအတွက် အထူးပဲ သင့်တော်ပါတယ်။
• ဝက်ခြံကို သက်သာစေတယ်
  ဝက်ခြံတွေသက်သာလျော့ပါးချင်တယ်ဆိုရင် နဂါးမောက်သီး ရဲ့အသားတွေကို ချေပြီး မျက်နှာမှာ ပေါင်းတင်ပေးပါ။ ဗီတာမင်စီ ပါဝင်မှုကြောင့် ဝက်ခြံတွေသက်သာစေပြီး ထပ်မဖြစ်အောင်လည်းတားဆီးနိုင်ပါတယ်။
• အသားအရည် ကြည်လင်စေတယ်
  နဂါးမောက်သီးတွင် ဗီတာမင်စီ ကြွယ်၀စွာပါ၀င်မှုကြောင့် အသားအရည်မွဲခြောက်ခြင်းက ကာကွယ်ပေးပြီး အသားအရည်ကို အသစ်ပြန်လည် လှပစေပါတယ်။ဒါ့ကြောင့် နဂါးမောက်သီးဖျော်ရည်သောက်သုံးခြင်း၊ အသီးစားသုံးပေးခြင်းနှင့် နဂါးမောက်သီးနှင့် skincare treatment များလုပ်ပေးနိုင်ပါတယ်။
• သဘာ၀ moisture အာနိသင်ရှိပါတယ်။
  နဂါးမောက်သီးမှာ ရေဓာတ် 80% ပါ၀င်တာကြောင့် အသားအရည်ကို သဘာ၀အတိုင်း အစိုဓာတ်ထိန်းသိမ်းပေးနိုင်စွမ်း ရှိပါတယ်။ဒါ့ကြောင့် နဂါးမောက်သီးကိုစားသုံးခြင်းဟာ ကျန်းမာရေးအတွက် ကောင်းမွန်စေရုံသာမက အသားအရည်အတွက်ရော အလှအပအတွက်ပါ အထူးသင့်တော်တာမို့ နဂါးမောက်သီးကိုနေ့စဉ်စားသုံးပြီး ကျန်းမာလှပကြစို့နော်။

Credit Original Sources

ကော်ဖီသောက်ခြင်းသည် ကျန်းမာရေးကို ထိခိုက်နိုင်ပါသလား ?

ဒါကတော့ လူတိုင်းအမေးများတဲ့ မေးခွန်းတစ်ခုပါ။ လေ့လာစမ်းသပ်မှုများအရ တစ်နေ့ကို အနည်းဆုံးကော်ဖီ ၃ ခွက်လောက်သောက်ခြင်းဟာကျန်းမာရေးကို မထိခိုက်နိုင်ဘူးလို့ ဆိုထားပါတယ်။ ကော်ဖီသောက်ခြင်းက ပင်ပန်းနွမ်းလျှမှုတွေကိုဖြေလျော့ပေးနိုင်ရုံမျှမက ကျန်းမာရေးကို အနည်းနဲ့အများ အထောက်အကူပြုနေကြောင်း လေ့လာစမ်းသပ်မှုများအရ သိရှိရပါတယ်။ပုံမှန်ကော်ဖီသောက်သုံးခြင်းက နှလုံးရောဂါနဲ့ အရွယ်မလွန်ခင် သေဆုံးမှု အန္တရာယ်မှ ကာကွယ်ပေးပါတယ်။ ဦးနှောက်ပိုင်းဆိုင်ရာရောဂါဖြစ်တဲ့ ပါကင်ဆန်ရောဂါ, အသည်းဆိုင်ရာ ရောဂါများနဲ့ ဆီးချိုရောဂါ စတဲ့ ရောဂါအန္တရာယ်များကိုလဲ လျော့ချပေးနိုင်ကြောင်း သိပ္ပံပညာရှင်များက ရှာဖွေတွေ့ရှိခဲ့ကြပါတယ်။

အရာရာတိုင်းမှာ အကောင်းအဆိုး ဒွန်တွဲနေသလိုမျိုးပဲ…
ကော်ဖီသောက်ခြင်းကြောင့် အမျိုးသမီးများတွင် အရိုးကျိုးလွယ်ခြင်း , ကိုယ်ဝန်မမြဲခြင်း နှင့် လမစေ့ပဲ ကလေးမွေးနိုင်ခြင်း ,စိတ်ကစဉ့်ကလျား ဖြစ်နိုင်ခြင်းကြောင့် ကော်ဖီကိုလိုအပ်တာထပ် ပိုမသောက်မိဖို့ လိုအပ်ပါတယ်။အမျိုးသမီးများလည်း ဓမ္မတာလာစဉ်တွင် ဝမ်းပျက်ချင်သလိုလို ဖြစ်ချင်နေတယ်ဆိုရင် ကော်ဖီသောက်တာကို လျှော့ချလိုတာက ဝမ်းပျက်တာကို ရပ်သွားစေနိုင်ပါတယ်။ဒါ့အပြင်ကဖိန်းဓာတ်က ဆီးရွှင်စေပါတယ်။ ဒါမှမဟုတ် ခန္ဓာကိုယ်က အလျင်မှီအောင် ပြည့်ပြည့်၀၀ ခြေဖျက်နိုင်ခြင်း မရှိတာလည်း ဖြစ်နိုင်ပါတယ်။ ခန္ဓာကိုယ်ဟာ အထဲမှာရှိတဲ့ ကဖိန်းဓာတ်ပမာဏကို ထိန်းညှိဖို့အတွက် ရှိနေတဲ့ ကဖိန်းဓာတ်အချို့ကို ကျောက်ကပ်ကနေ အညစ်အကြေးအဖြစ် စွန့်ထုတ်လိုက်ရာမှ ဆီးဟာကော်ဖီနံ့သင်းသွားရခြင်းဖြစ်လို့ ဆီးမှာကော်ဖီနံ့ရနေတတ်ခြင်းဟာ ကျေနပ်ဝမ်းမြောက်စရာ ကိစ္စတော့ မဟုတ်ပါဘူး။

ဒါ့ကြောင့် ကော်ဖီအလွန်အကျွံသောက်သုံးခြင်းကြောင့် ဖြစ်ပေါ်လာမဲ့နောက်ဆက်တွဲကျန်းမာရေးဆိုးကျိုးများမှ ကင်းဝေးပြီး သင့်ရဲ့ မနက်တိုင်းမှာ ကော်ဖီတစ်ခွက်သောက်ခြင်းဖြင့် အင်အားရှိသော တစ်နေ့တာကို ဖြတ်သန်းလိုက်ကြရအောင်။

Dr.San San Oo( Quality Care Laboratory)

ခွေးရူးရောဂါဆိုတာက Rabies ဗိုင်းရပ်စ် ပိုးကြောင့်ဖြစ်ပွားတတ်တဲ့ ရောဂါဖြစ်ပြီး လူနှင့်တိရစ္ဆာန်များကို ဒီရောဂါပိုးရှိနေတဲ့ ခွေး၊ ကြောင်၊ ကြွက်၊ လင်းနို့စတဲ့နို့တိုက်သတ္တဝါတွေက ကိုက်မိခြင်း၊ အစွယ်ဖြင့် ခြစ်မိခြင်း၊ ခန္ဓာကိုယ်ပေါ်မှာ ရှိပြီးသားအနာ (သို့) ပြတ်ရှဒဏ်ရာများပေါ်သို့ ရောဂါရှိတဲ့သွားရည်ထိမိခြင်းမျိုးများ ၊ မျက်စိ၊ ပါးစပ်၊ နှာခေါင်းတို့၏ အတွင်းသားများကို တိုက်ရိုက်ထိတွေ့မိခြင်းနှင့် ခွေးရူးပြန်ရောဂါဖြင့် သေဆုံးသူထံမှ ခန္ဓာကိုယ်အစိတ်အပိုင်းများအား အစားထိုးကုသမှုခံယူမိခြင်း စတာတွေကနေ ကူးစက်ခံနိုင်ပါတယ်။ အရှေ့တောင်အာရှဒေသများတွင် ခွေးရူးပြန်ရောဂါဖြစ်ပွားခြင်း၏ (၉၆) ရာခိုင်နှုန်းသည် ခွေးကိုက်ခြင်းကြောင့် ဖြစ်ပါသည်။

ရောဂါပိုး စတင်ဝင်ရောက်ပြီးသည်မှ ရောဂါလက္ခဏာများ စတင်ပြသချိန်အထိ ရောဂါပျိုးရက် (incubation period) သည် ရက်အနည်းငယ်မှ လပိုင်း (သို့မဟုတ်) နှစ်ချီ၍ ကြာမြင့်တတ်ပါသည်။

လူမှာခွေးရူးပြန်ရောဂါဖြစ်ပေါ်နေပါက

• အကိုက်ခံရသောနေရာတွင် နာကျင်ခြင်း၊ ယားယံခြင်း၊
• ဖျားခြင်း၊ နွမ်းနယ်ခြင်း၊ ခေါင်းကိုက်ခြင်း၊
• ရေကို မကြည့်ရဲခြင်း၊ ရေမသောက်ရဲဘဲ ရေကို ကြောက်လန့်နေခြင်း (Hydrophobia)၊
• အသံ၊ အလင်းရောင်၊ လေတိုက်ခြင်း တို့ကို ခံနိုင်ရည်မရှိခြင်း၊
• စိတ်ဆိုးဒေါသထွက်ခြင်း၊ သည်းမခံနိုင်ခြင်းနှင့် စိတ်ဓာတ်ကျခြင်း အစရှိတာတွေ ဖြစ်ပေါ်နိုင်ပါတယ်။

တိရစ္ဆာန်တွေမှာဒီရောဂါဖြစ်နေကြောင်း သိရှိနိုင်တဲ့အချက်တွေကတော့

• အမူအကျင့်ပြောင်းပြီး အလိုအလျောက် ရန်လိုလာကာ ရန်မူခြင်း၊ ကိုက်တတ်ခြင်း၊
• တုတ်ချောင်း၊ ခဲလုံး၊ စက္ကူစတဲ့ အနီးနားအရာများကို ကိုက်ဖြတ်နေခြင်း၊
• ဦးတည်ရာမဲ့ပြေးလွှားခြင်း၊ ဒယိမ်းဒယိုင်ဖြစ်ခြင်း၊
• အသံပြောင်းပြီး အက်သံဖြင့်ဟောင်ခြင်း၊ အူခြင်း၊
• အောက်မေးရိုးပိတ်မရဘဲ သွားရည် (သို့) အမြှုပ်များပါးစပ်မှထွက်ကျခြင်း စတဲ့လက္ခဏာများရှိပြီး သုံးလေးရက်အကြာမှာ အလိုလိုသေဆုံးတတ်ပါတယ်။

ခွေး၊ ကြောင်စတဲ့တိရစ္ဆာန်များ ကိုက်ခံရလျှင် လုပ်ဆောင်သင့်တဲ့ အချက်များ

• ဒဏ်ရာကို ဆပ်ပြာအသုံးပြုပြီး ၊(၁၅ မိနစ်ခန့်) ရေများများဖြင့် အချိန်ကြာကြာဆေးကြောပေးရန်။
• အရက်ပြန် နှင့် Iodine ပိုးသတ်ဆေးရည်တို့ဖြင့် ထပ်မံသန့်စင်ပေးရပါမယ်။
• အရေပြားပေါက်ပြဲဒဏ်ရာရှိပြီဆိုတာနဲ့ မဖြစ်မနေ နီးစပ်ရာဆေးရုံဆေးခန်း (သို့မဟုတ်) ပြည်သူ့ဆေးရုံများရှိခွေးကိုက်လူနာကုသမှုဌာန (Dog bite treatment center)များ သို့သွားပြီး ကာကွယ်ဆေးထိုးကာ လိုအပ်တဲ့ ကုသမှုတွေကိုခံယူရပါမယ်။

ခွေးရူးပြန်ရောဂါဖြစ်ပွားပါက ရာခိုင်နှုန်းပြည့်သေစေနိုင်ပါသည်။ သို့ပါသော်လည်း ခွေးကိုက်ခံရပြီးနောက် ခွေးရူးပြန်ရောဂါ ကာကွယ်ဆေးကို (၂၄) နာရီအတွင်း စနစ်တကျ စတင်ထိုးနှံပြီး သတ်မှတ်ရက်အတိုင်း အကြိမ်ပြည့် ဆက်လက်ထိုးနှံခြင်းဖြင့် ခွေးရူးပြန်ခြင်းကို ထိရောက်စွာကာကွယ် နိုင်ပါတယ်။

ဒဏ်ရာကြီးခြင်း၊ သွေးများစွာထွက်ခြင်း၊ ဦးခေါင်းနှင့်နီးတဲ့ မျက်နှာ၊ လည်ပင်း၊ ပုခုံးနှင့်လက် စတာတွေမှာကိုက်ခံရပါက ခွေးရူးအဆိပ်ဖြေဆေး (Rabies Immunoglobulin-RIG )ကိုပါ ထိုးဖို့လိုပါတယ်။ ခွေး၊ ကြောင်စတဲ့တိရစ္ဆာန်တွေက မြေပြင်မှာ ဖုန်၊ သဲတွေနဲ့ထိတွေ့နေတာဖြစ်တဲ့အတွက် မေးခိုင်ပိုးကလည်း ၎င်းတို့ရဲ့အစွယ်၊ သွားတွေမှာရှိနေနိုင်တာမို့ ခွေးရူးကာကွယ်ဆေးနဲ့အတူ မေးခိုင်ကာကွယ်ဆေးကိုပါမပျက်မကွက် ထိုးနှံဖို့လိုအပ်ပါသေးတယ်။ အချုပ်အားဖြင့် ခွေးရူးရောဂါဆိုတာ ကုသခြင်းထက် ကာကွယ်ခြင်းကသာ အဓိကဖြစ်တာမို့ ‘Vaccinate to Eliminate’ ဆိုတဲ့ ဆောင်ပုဒ်အတိုင်း ခွေး၊ ကြောင်များအတွက် ကာကွယ်ဆေး၊ ကိုက်ခံရသူလူနာများအတွက် ကာကွယ်ဆေးများကို နီးစပ်ရာကျန်းမာရေးဌာနများမှာ မဖြစ်မနေသွားရောက်ထိုးနှံကြဖို့ တိုက်တွန်းနှိုးဆော်လိုက်ရပါတယ်။

Credit>> Dr.San San Oo (Quality Care Laboratory)

ကညွတ်မှာ အစိမ်းနှင့် အဖြူဆိုပြီး (၂)မျိုးရှိပေမယ့် အစိမ်းက ပိုပြီးဆေးဖက်ဝင်ပါတယ်။ကညွတ်ဟာ လူတိုင်းစားသုံးသင့်တဲ့ အစားအစာတစ်မျိုးပါ။ကညွတ်ကို သဘာဝဆီးရွှင်ဆေးအဖြစ် စားသုံးကြပြီး သည်းခြေရောဂါများအတွက် အမြစ်ရည်ကို ပျားရည်၊နွားနို့တွေနဲ့ ရောသောက်ရင်လည်း သက်သာပျောက်ကင်းစေနိုင်ပါတယ်။ မိုးဦးကျရာသီတွေမှာ ပေါပေါများများတွေ့ရတတ်သော ကညွတ်တွေကို ဘာကြောင့် လူတိုင်း စားသုံးသင့်တာလဲဆိုရင်-

ပရိုတင်း ၊ အမျှင်ဓာတ် များနှင့် ကညွတ်
ကညွတ်တွင် ဗီတာမင် A ၊ C ၊E ၊ K ၊ B6 ၊သံဓာတ်၊ကော့ပါး၊ ကယ်လ်ဆီယမ် ၊ပရိုတင်း နဲ့ အမျှင်ဓာတ်တို့လည်း အချိုးကျ ပါဝင်ပါတယ်။ကညွတ်မှာ ပါဝင်တဲ့ ဓာတ်ပေါင်းစုတွေကြောင့် ပန်းနာရင်ကြပ်ကို သက်သာစေခြင်း၊ ပရိုတင်းအားဖြည့်ဓာတ် တစ်မျိုးပါဝင်တာကြောင့် အရိုးပွခြင်းနှင့် အရိုးအဆစ်ရောင်ရမ်းခြင်းတို့ကို ကာကွယ်ပေးခြင်း၊ဗီတာမင် C ကအရွယ်တင်နုပျိုစေခြင်း၊ ဖောလစ်နှင့် ဗီတာမင် A တို့က နှလုံးကိုကျန်းမာစေပြီး လေဖြတ်၊လေဖြန်းခြင်း မဖြစ်အောင် ကာကွယ်ပေးခြင်အပြင် မျက်လုံးကျန်းမာရေးကိုကောင်းမွန်စေပြီး အတွင်းတိမ်ဖြစ်ခြင်းကို သက်သာစေနိုင်ပါတယ်။

ကိုလက်စထရော နှင့် အဆီဓာတ် မပါဝင်သော ကညွတ်
ကညွတ်ဟာ စွတ်စိုသောဒေသနဲ့ တောင်ပေါ်ဒေသတွေမှာ ပိုပြီး ပေါက်ရောက်နိုင်ပါတယ်။ ကညွတ်မှာ ဘေးဖြစ်စေသော ကိုလက်စထရောနဲ့ အဆီဓာတ် မပါဝင်သောကြောင့် ကျန်းမာရေးနဲ့ ညီညွတ်မျှတတဲ့ အစားအစာ ဖြစ်ပါတယ်။ဒါ့ကြောင့် ကညွတ်ဟာ အဆီလျှော့ပြီး အလေးချိန်ထိန်းနေသူတွေ စားသောက်ဖို့ အထူးသင့်တော်ပါတယ်။

အူ ကိုသန့်စင်စေသော ကညွတ်
ကစီဓာတ်တစ်မျိုးပါဝင်တဲ့ ကညွတ်ဟာ အူကို သန့်စင်စေပြီး အူနဲ့ ပတ်သတ်တဲ့ ကင်ဆာတွေ မဖြစ်အောင် တာဝန်ယူပါတယ်။ကညွတ်ကို ကလေးယူချင်တဲ့ အမျိုးသမီးတွေ စားပေးသင့်ပြီး အမျိုးသားများအတွက်
လည်း သက်လုံကောင်းစေပါတယ်။ ကညွတ်ထဲတွင် ပါသော ဓာတ်တစ်မျိုးဟာ အရွယ်တင်နုပျိုစေပြီး သွေးပေါင်ကိုလည်း ထိန်းညှိပေးပါတယ်။

ဆီးချိုရောဂါ နှင့် ကညွတ်
ကညွတ်ဟာ ဆီးချိုသမားတွေအတွက် အဖိုးမဖြတ်နိုင်တဲ့ ရတနာပါပဲ။ သွေးတွင်း သကြားဓာတ်ကို စုပ်ယူနိုင်ပြီး အယ်ဆူလင် ထုတ်လွှင့်မှုကို တိုးပွားစေတဲ့အတွက် ဆီးချိုသမားတွေ စားသင့်တဲ့ အစားအစာတစ်မျိုးပါ။
ဆီးချိုသမားတွေအတွက်ကတော့ နောက်ဆုံးလက်နက်လို့တောင်
တင်စားကြပါတယ်။ဒါ့အပြင် ကညွတ်ဟာ အသည်းထဲက အဆိပ်တွေကို ထုတ်ပေးနိုင်စွမ်းရှိတာကြောင့် အရက်ကိုကြာရှည်သောက်သုံးသူတွေဟာ ကညွတ်ကိုပုံမှန် စားပေးသင့်ပါတယ်။ အရက်အလွန်အကျွံသောက်လို့ မအီမသာ ဖြစ်မှုကိုလည်း သက်သာစေနိုင်ကြောင်းသုတေသီတွေက ဆိုထားကြပါတယ်။

ကိုယ်ဝန်ဆောင်မိခင်လောင်းများအတွက် ကညွတ်
ကညွတ်ဟာ ဖောလစ်အက်စစ် ကြွယ်ဝတာကြောင့် ကိုယ်ဝန်ဆောင်သည်တွေ စားသုံးပေးသင့်ပါတယ်။ကညွတ်မှာ ဖောလစ်အက်စစ် 22ရာခိုင်နှုန်းထိ ပါဝင်တာကြောင့် ကိုယ်ဝန်ဆောင်မိခင်လောင်းများ မွေးဖွားတဲ့အခါ ဖြစ်တတ်တဲ့ အခက်အခဲတွေမှ ကင်းဝေးစေပါတယ်။

Credit >> Original Source

“အာဇာနည်နေ့ တို့မမေ့” ဆိုသလိုပါပဲ19 Julyရောက်တိုင်း၊ရောက်တိုင်းမှာ မမေ့နိုင်တဲ့ အမှတ်တရ တစ်ခုက ကျွန်တော်တို့ မြန်မာနိုင်ငံသားတိုင်းရဲ့ ရင်ထဲမှာ စွဲကျန်နေသလို… Concordia Int.,Co,Ltdအနေနဲ့လဲ ဒီနေ့ ကျရောက်တဲ့ (၇၃နှစ်မြောက်)
အာဇာနည်နေ့မှာ ဗိုလ်ချုပ်အောင်ဆန်းနှင့်တကွ မြန်မာနိုင်ငံတော်ကြီး လွတ်လပ်ရေးအတွက် ကြိုးပမ်းရင်း အသက်ပေးသွားခဲ့ကြသော💔 အာဇာနည်သူရဲကောင်းအားလုံးကို အလေးမြတ်ထား ဂုဏ်ပြုဦးညွှတ်ပါတယ်ခင်ဗျာ။
___________________
လူတိုင်း သိသင့်သိထိုက်တဲ့ အာဇာနည် ၉ ဦးအကြောင်း

၁။ဒီးဒုတ် ဦးဘချို (ကျောင်းဆရာ)

၂၃.၄.၁၈၉၃ ဖွား မြောင်းမြဇာတိ ဆရာကြီးဒီးဒုတ်ဦးဘချို ဟာကျဆုံးချိန်မှာ အသက် ၅၄ နှစ်ရှိပြီးကျည် ၅ ချက်သင့် ကာကျဆုံး ခဲ့ပါတယ်။ ကျဆုံးချိန်မှာရာထူးတာဝန်မှာဝန်ကြီး ဖြစ်ကာ သတင်းနှင့်ပြန်ကြားရေးဝန်ကြီးဋ္ဌာနအကြီးအမှူး ဖြစ်ပါတယ်။

၂။ သခင်မြ (ကျောင်းဆရာ)

၇.၁၀.၁၈၉၇ ဖွား ထုံးဖိုဇာတိ ဆရာကြီးသခင်မြဟာကျဆုံး ချိန်မှာအသက် ၅၀နှစ်ဖြစ်ပြီးကျည် ၂ ချက်သင့်ကာကျဆုံးခဲ့ ပါတယ်။ကျဆုံးချိန်မှာထမ်းရွက်ခဲ့တဲ့ရာထူးတာဝန် ဝန်ကြီး ဖြစ်ကာ ဘဏ္ဍာရေးနှင့်အခွန်တော်ဝန်ကြီးဋ္ဌာနကိုကြီးမှူးပါ တယ်။

၃။ဦးရာဇတ်(ကျောင်းဆရာ)

၂၀.၁.၁၈၉၈ ဖွား မိတ္ထီလာဇာတိဆရာကြီးဦးရာဇတ်မှာကျဆုံး ချိန်ကအသက် ၄၉ နှစ်ရှိကာ ကျည် ၆ ချက်သင့် ကျဆုံးခဲ့ပါ တယ်။ကျဆုံးချိန်ထိထမ်းရွက်ခဲ့တဲ့ရာထူးတာဝန်မှာဝန်ကြီးဖြစ် ကာ ပညာရေးနှင့်အမျိုးသားစီမံကိန်းဝန်ကြီးဋ္ဌာနကိုတာဝန် ယူခဲ့ပါတယ်။

၄။ ဦးဘ၀င်း(ကျောင်းဆရာ)

၁၁.၆.၁၉၀၁ ဖွား နတ်မှောက်ဇာတိဦးဘ၀င်းဟာဗိုလ်ချုပ် အောင်ဆန်းရဲ့အစ်ကိုအကြီးဆုံးဖြစ်ကာကျဆုံးချိန်မှာအသက် ၄၆နှစ်ဖြစ်ပြီး ကျည် ၈ ချက်သင့်ကျဆုံးခဲ့ပါသည်။ကျဆုံးချိန်ထမ်းရွက်ခဲ့တဲ့ရာထူးတာဝန်မှာဝန်ကြီး
ဖြစ်ပါတယ်။ထောက်ပံ့ရေးနှင့်ကူးသန်းရောင်းဝယ်ရေးဝန်ကြီးဌာနကို ကြီးမှူးခဲ့ပါတယ်။

၅။မန်းဘခိုင်

၂၆.၁၀.၁၉၀၃ မွေးဖွား ဟင်္သာတ ယုန်သလင်းဇာတိသား
မန်းဘခိုင်မှာကျဆုံးချိန်က အသက်၄၄ နှစ်ရှိပြီးကျည်၁၅ ချက်သင့်ကာကျဆုံးခဲ့ပါတယ်။ကျဆုံးချိန်ရာထူးတာဝန်မှာ စက်မှုလက်မှုနှင့်အလုပ်သမားဝန်ကြီးဋ္ဌာနဝန်ကြီးဖြစ်ပါတယ်။

၆။စဝ်စံထွန်း

၃၁.၅.၁၉၀၇ မွေးဖား မိုင်းပွန်ဇာတိသား စဝ်စံထွန်းမှာ စော်ဘွား တစ်ဦးဖြစ်ပြီး ကျဆုံးချိန်မှာ အသက် ၄၀ နှစ်ရှိသူဖြစ်ပါတယ်။ ကျည်၂ချက်သင့် ကျဆုံးခဲ့ပြီး ကျဆုံးချိန်မှာရာထူးတာဝန်အဖြစ် တောင်တန်းဒေသဆိုင်ရာဝန်ကြီးဋ္ဌာနဝန်ကြီးတာဝန်ကိုရွက် ဆောင်ခဲ့ပါတယ်။

၇။ဦးအုံးမောငျ

၂.၂.၁၉၁၃ မွေးဖွား မင်းဘူးဇာတိသား ဦးအုံးမောင်မှာ ကျဆုံးချိန်ကအသင်၃၄ နှစ်သာရှိပြီးကျည် ၅ ချက်သင့် ကျဆုံးချိန်ရာထူးတာဝန်မှာ အတွင်းဝန်ဖြစ်ပါတယ်။

၈။ဗိုလ်ချုပ်အောင်ဆန်း

၁၃.၂.၁၉၁၅ ဖွား နတ်မှောက်ဇာတိသားဗိုလ်ချုပ်အောင်ဆန်း မှာအမျိုးသားခေါင်းဆောင်ကြီးဖြစ်ပေမဲ့ကျဆုံးချိန်မှာ အသက် ၃၂ နှစ် ၅ လ နှင့် ၆ ရက်သာရှိသေးပြီး ကျည် ၁၃ ချက်သင့် ကာ ကျဆုံးခဲ့ပါတယ်။ကျဆုံးချိန်ကရာထူးတာဝန်မှာနိုင်ငံတော် ဝန်ကြီးချုပ်ဖြစ်ပါတယ်။

၉။ရဲဘော်ကိုထွေး

မန္တလေးဇာတိသား ရဲဘော်ကိုထွေးမှာကျဆုံးချိန်ကအသက် ၁၈ နှစ်သာရှိသေးပြီး ကျည် ၄ ချက်သင့် ကျဆုံးခဲ့ပါတယ်။ ကျဆုံးချိန်ရာထူးတာဝန် မှာ သက်တော်စောင့် တာဝန်အဖြစ် ဦးရာဇာတ်ရဲ့ သက်တော်စောင့််တာဝန်ထမ်းရွက်ခဲ့ပါတယ်။

အာဇာနည်ခေါင်းဆောင်ကြီးများ ကျဆုံးချိန်မှာ နံနက်( ၁၀နာရီ ..၃၇မိနစ် )ချိန်ဖြစ်သည်။

အာဇာနည်ပုဂ္ဂိုလ်ကြီးများဇာတိနဲ့ ကျည်သင့်ခဲ့တဲ့ အချက် အရေအတွက် ကျဆုံးချိန်ကထမ်းဆောင်ခဲ့သည့် ရာထူး တာဝန် စတာတွေစုစည်းလို့ အခုလိုဖေါ်ပြခဲ့မှုမှာကျဆုံးချိန် ကာလအသက်အရွယ်ကြီးစဉ်ငယ်လိုက် စီပြီးဖေါ်ပြခဲ့မှုဖြစ်ပါတယ်။

နိုင်ငံတော်အကျိုး လူမျိုးအကျိုးကိုအံ့မခမ်းသယ်ပိုးခဲ့သူ ဗိုလ်ချုပ်အောင်ဆန်းရဲ့ ရဲစွမ်းသတ္တိကိုဒီကနေ့ခေတ်ကာလ လူငယ်များကလည်း အထူးတလည်သတိပြုအားကျအတုယူဖွယ်ခံစားမိကြစေ လိုတာ ဆန္ဒအမှန်ပါပဲခင်ဗျာ…

အာဇာနည်(၉)ဦး၏ အမည်နှင့် ထိမှန်ခဲ့သော ကျည်အရေအတွက်မှာ….

၁။ ဗိုလ်ချုပ်အောင်ဆန်း (၁၉၁၅ – ၁၉၄၇) ၁၃ ချက်
၂။ သခင်မြ (၁၈၉၇ – ၁၉၄၇) ၂ ချက်
၃။ ဒီးဒုတ်ဦးဘချို (၁၈၉၃ – ၁၉၄၇) ၅ ချက်
၄။ ဦးရာဇတ် (၁၈၉၈ – ၁၉၄၇) ၆ ချက်
၅။ ဦးဘ၀င်း (၁၉၀၀ – ၁၉၄၇) ၈ ချက်
၆။ စဝ်စံထွန်း (၁၉၀၇ – ၁၉၄၇) ၂ ချက်
၇။ မန်းဘခိုင် (၁၉၀၃ – ၁၉၄၇) ၁၅ ချက်
၈။ ဦးအုန်းမောင် (၁၉၀၃ – ၁၉၄၇) ၅ ချက်
၉။ ရဲဘော်ကိုထွေး (၁၉၂၉ – ၁၉၄၇) ၄ ချက်